De Morqan qanunları

De Morqan qanunları — Şotland riyaziyyatçısı Avqust de Morqan (1806-1871) adı ilə adlandırılıb. Avqust de Morqan ilk dəfə bu xassəni dəqiq ifadə etmiş və tam araşdırmışdır.

Təkliflər hesabının (nəzəriyyəsinin) xassəsi. Bu xassə təkliflərin konyuksiyasının (dizyunksiyasının) inkarının onların inkarının dizyunksiyası (konyuksiyası) ilə eyniqiymətli olduğunu müəyyənləşdirir. Başqa sözlə

$\overline{A\wedge B}=\bar{A}\vee \bar{B}$ və $\overline{A\vee B}=\bar{A}\wedge \bar{B}.$

De-Morqan qanunları istənilən Bul cəbrində, xüsusi halda, çoxluqlar cəbrində doğrudur. İxtiyari $A\subset U,B\subset U$ çoxluqları üçün

$(A\cap B{)}^{\prime }=A^{\prime }\cup B^{\prime },(A\cup B{)}^{\prime }=A^{\prime }\cap B^{\prime },$

Burada $X^{\prime }=U\mathrm{\setminus }X$, $(X\subset U)$- tamamlama əməlidir.

Ədəbiyyat

1. M.Mərdanov, S.Mirzəyev, Ş. Sadıqov Məktəblinin riyaziyyatdan izahlı lüğəti. Bakı 2016, "Radius nəşriyyatı", 296 səh.