Mütənasib

Mütənasib - iki kəmiyyətdən birinin artması (azalması) ilə o biri kəmiyyətində eyni dərəcədə artması (azalması).

Mütənasib ölçülərin dəyişməz münasibəti mütənasiblik əmsalı adlanır.

'∝' riyazi simvolu iki ölçünün mütənasibliyinin göstərilməsi üçün istifadə olunur. Nümunə, A ∝ B.

Yunikod kodlaşdırılmasında simvolun qısayol keçidi: U+221D.

Düz mütənasiblik

Düz mütənasiblik — arqumentin (x) neçə dəfə artması ilə funksiyanında (y) bir o qədər artmasının funksional asılığıdır.

Riyaziyyatda düz mütənasiblik ifadəsi aşağıdakı düstur şəklində yazılır:

$f(x)=kx,k=const$

Düz mütənasibliyin qrafiki koordinat başlanğıcından keçən düz xətdir.

Tərs mütənasiblik

Bir neçə funksiyanın qrafikləri: $f(x)=\frac{12}{x}$; $f(x)=\frac{1}{x}$; $f(x)=-\frac{1}{x}$; $f(x)=-\frac{12}{x}$

Tərs mütənasiblik — arqumentin neçə dəfə artması ilə funksiyanın bir o qədər azalmasının funksional asılılığıdır.

$y=\frac{k}{x},x\ne 0,k\ne 0$

Funksiyanın xüsusiyyətləri:

• Təyin oblastı$D(y)=(-\mathrm{\infty };0)\cup (0;+\mathrm{\infty })$
• Qiymətlər oblastı $E(y)=(-\mathrm{\infty };0)\cup (0;+\mathrm{\infty })$
• Funksiya təkdir, çünki $f(-x)=\frac{k}{-x}=-\frac{k}{x}=-f(x)$
• Funksiya k>0 olduqda $(-\mathrm{\infty };0)$ aralığında azalır və $(0;+\mathrm{\infty })$ artır (k<0 olduqda əks proses).