Kapitalın orta çəkili dəyəri

Kapitalın orta çəkili dəyəri və ya maliyyəti (Şablon:Dil-en) — müəssisənin əldə etdiyi kapitalın qarşılığında səhmdarlara və kreditorlara ödənməsi gözlənilən orta xərclərdir.[1] Başqa sözlə müəssisənin maliyyələşmə mənbələrinə çəkiləcək orta xərcləri göstərir.

Kapitalın orta çəkili dəyəri

Hesablanması

Şirkətlər bir çox qaynaqlardan maliyyələşə bilirlər: adi və imtiyazlı səhmlər, birbaşa borclar, dövlət yardımları(məsələn subsidiya) vb. Kapitalın orta çəkili dəyəri də bu maliyyəşmə mənbələrinin kapitalın tərkibindəki nisbi çəkisini nəzərə alınaraq hesablanır. Düsturu isə aşağıdakı şəkildədir:

$k_a=k_e*W_e+(1-V)*k_d*W_d$

k_e — adi səhmin gəlirliliyi

Kapitalın orta çəkili dəyəri

W_e — adi səhmin kapitalın tərkibindəki çəkisi

V — vergi dərəcəsi

k_d — borcun dəyəri (xərci)

W_d — borcun kapitalın tərkibindəki çəkisi

Burada $k_e*W_e$nizamnamı kapitalının orta xərcini göstərir.

Məqsədi

KOÇD sayəsində müəssisə gəlirlərinin hansı hissəsinin səhmdarlara və kreditorlara ödənəcəyini müəyyən edəbilir. Bu əmsalın köməkliyi ilə müəssisə planlaşdırılan investisiya layihəsinin məqsədəuyğun olub-olmadığını müəyyənləşdirir. Yəni investisiyanın gəlirliliyi KOÇD əmsalından böyük olmalıdır ki, müəssisə investisiya layihəsini reallaşdırsın.

Həmçinin bax

• Xalis cari dəyər
• Geri ödəmə müddəti metodu

Mənbə

• PROJE ANALİZİ VE DEĞERLENDİRME. Anadolu universiteti. 2015